തിരുവനന്തപുരം: സംസ്ഥാനത്തെ 7 ജില്ലകളിൽ ലോക്ക് ഡൗണിന് ശേഷം നിയന്ത്രണങ്ങൾ ഒരു മാസത്തേക്ക് തുടരും. കോവിഡ് ഹോട്സ്പോട്ടുകളിൽ നിയന്ത്രണം തുടരാനുള്ള കേന്ദ്ര നിർദേശപ്രകാരമാണ് തീരുമാനം. ഈ ജില്ലകളിൽ പോസിറ്റീവ് കേസുകള്‍ വര്‍ദ്ധിച്ച സാഹചര്യത്തിലാണ് നിയന്ത്രണങ്ങള്‍ കര്‍ശനമാക്കുന്നത്.


കാസർഗോഡ്, കണ്ണൂർ, കോഴിക്കോട്, മലപ്പുറം, തൃശൂർ, പത്തനംതിട്ട, തിരുവനന്തപുരം ജില്ലകളിലാണ് നിയന്ത്രണം തുടരുക. അതേസമയം, പ്രധാനമന്ത്രി വിളിച്ചു ചേർത്ത ഉന്നത തല യോഗം ഇന്ന് ചേരും. ഇന്ത്യയില്‍ മൊത്തം 274 ജില്ലകളിലാണ് കൊറോണ റിപ്പോര്‍ട്ട് ചെയ്യപ്പെട്ടിട്ടുള്ളത്.
രാജ്യത്ത് കോവിഡ് മരണത്തിൽ വീണ്ടും വർദ്ധനവുണ്ടായിരിക്കുകയാണ്. മരണം 100 കടന്നു. 4000ത്തിലധികം പേർക്ക് രോഗം സ്ഥിരീകരിച്ചുവെന്നാണ് കേന്ദ്ര ആരോഗ്യ കുടുംബ ക്ഷേമ മന്ത്രലയത്തിന്റെ കണക്ക്. 24 മണിക്കൂറിനിടെ 32 മരണങ്ങളാണ് രാജ്യത്തുണ്ടായത്.

Leave a Reply

Your email address will not be published. Required fields are marked *