നാളെ പൂർണ സൂര്യ​ഗ്രഹണം സംഭവിക്കും. ചന്ദ്രൻ സൂര്യനെ പൂർണമായി മറയ്ക്കുന്ന പ്രതിഭാസമാണ് സൂര്യ ​ഗ്രഹണം.

നാളെ ഇന്ത്യൻ സമയം വൈകീട്ട് 7.03 നാണ് സൂര്യ ​ഗ്രഹണം ആരംഭിക്കുക. ഡിസംബർ 15 പുലർച്ചെ 12.23 വരെ നീളും. രാത്രിയായതുകൊണ്ട് തന്നെ ഇന്ത്യയിൽ ​ഗ്രഹണം കാണാൻ സാധിക്കില്ല. ചൈന, അർജന്റീന, ദക്ഷിണ അമേരിക്ക എന്നിവിടങ്ങളിൽ ​ഗ്രഹണം കാണാൻ സാധിക്കും.

ചിലെ, അർജന്റീന എന്നിവിടങ്ങളിൽ സൂര്യ​ഗ്രഹണം കാരണം രണ്ട് മിനിറ്റ് പത്ത് സെക്കൻഡ് നേരം ഇരുട്ട് മൂടും. ദക്ഷിണ അമേരിക്ക, തെക്ക് പടിഞ്ഞാറൻ ആഫ്രിക്കയിലും അന്റാർട്ടിക്കയിലും ഭാ​ഗിക ​ഗ്രഹണമാകും ഉണ്ടാകുക.

ഇന്ത്യയിൽ സൂര്യ​ഗ്രഹണം കാണാൻ സാധിക്കില്ലെങ്കിലും നാസയുടെ ലൈവ് കവറേജിലൂടെ നമുക്കും ഈ പ്രതിഭാസം കാണാൻ സാധിക്കും.

ഇനി അടുത്ത വർഷം മാത്രമേ സൂര്യ​ഗ്രഹണമുണ്ടാകുകയുള്ളു. 2021 ൽ ജൂണ് 10നും ഡിസംബർ 4 നും സൂര്യ ​ഗ്രഹണം ഉണ്ടാകും.

Leave a Reply

Your email address will not be published. Required fields are marked *